७६ हजार मुल्य बराबरको अवैध कुखुरा र दाना बरामद

१५२ पटक पढिएको

नवलपरासी पश्चिमबाट नेपाल प्रहरीले ७६ हजार मूल्य बराबरको अबैध कुखुरा र दाना बरामद गरेको छ।

रामग्राम नगरपालिका १६ स्थित माउखोलाबाट ३४ हजार २ सय मुल्य बराबरको ९० जिउ अवैध बोईलर कुखुरा बरामद गरी आवश्यक कारबाहीको लागि पशु क्वारेन्टाईन कार्यालय महेशपुर बुझाएको छ।

त्यस्तै पाल्हिनन्दन गाउँपालिका ५ भगतपुरा स्थित साबिर मियाले फुसले छाएको छाप्रोमा अवैध रुपमा लुकाई छिपाई राखेको अन्दाजी ४२ हजार मुल्य बराबरको ७० बोरा गाई भैंसीलाई खुवाउने दाना बरामद गरी आवश्यक कारवाहीको लागि महेशपुर भन्सार कार्यालय बुझाईएको प्रहरी नायव उपरीक्षक भोजराज पाण्डेयले जानकारी गराउनुभयो।