डिजेल र पेट्रोलको मूल्य प्रतिलिटर ३ रुपैयाँले घट्यो

१३० पटक पढिएको

काठमाडौं । नेपाल आयल निगमले पेट्रोलियम पदार्थको मूल्य घटाएको छ ।

आयल निगम सञ्चालक समितिले आइतबार राति १२ बजेदेखि नै लागू हुनेगरी डिजेल र पेट्रोलको मूल्य प्रतिलिटर ३-३ रुपैयाँले घटाएको छ ।

अब पेट्रोलको मूल्य प्रतिलिटर १७५ रुपैयाँ कायम हुनेछ भने डिजेल र मट्टितेलको मूल्य प्रतिलिटर १७२ रुपैयाँ हुनेछ । निगमले हवाई इन्धनको मूल्य पनि घटाएको छ । हवाई इन्धनको मूल्य आन्तरिकतर्फ प्रतिलिटर १९० रुपैयाँबाट १७० रुपैयाँ कायम गरेको छ । यसैगरी, अन्तर्राष्ट्रियतर्फ हवाई इन्धनको मूल्य प्रतिलिटर १ दशमलव ६५४ डलरबाट घटाएर १ दशमलव ४२० डलर कायम गरेको छ।