अवैध लागूऔषध सहित दुईजना पक्राउ

१९२ पटक पढिएको

नवलपुर। अबैध लागूऔषध सहित नवलपरासी पश्चिम प्रहरीले दुईजनालाई पक्राउ गरेको छ।

सुनवल १२ भुमही चोक स्थित होटल एटलसमा कोठा बुक गरि बसेका उनीहरूलाई होटलबाट बाहिर निस्कने क्रममा पक्राउ गरिएको नवलपरासी पश्चिम प्रहरी नायव उपरीक्षक भोजराज पाण्डेयले बताउनुभयो।

पक्राउ पर्नेहरूमा दाङ घोराही उपमहानगरपालिका १५ शान्तिटोल बस्ने बर्ष २७ को सनम पुन मगर र सोही ठाउँ बस्ने बर्ष २१ को विराट के.सी छन्।

निजहरूले बोकेको रातो फेन्सी झोलाबाट फेनारागन २१ एम्पुल, डाईजेपाम- २१ एम्पुल, नुर्फिन ३१ एम्पुल  गरी जम्मा ७३  एम्पुल प्रतिबन्धित लागूऔषध बरामद गरिएको छ।

पक्राउ परेका दुबैजनालाई जिल्ला अदालत नवलपरासीबाट ५ दिनको म्याद लिई थप अनुसन्धान भैरहेको पाण्डेयले बताउनुभयो।