नागरिकता लिन जिल्ला प्रशासन कार्यालय जाँदै रवि लामिछाने

१९८ पटक पढिएको

काठमाडौँ ।  रवि लामिछाने आज आइतबार जिल्ला प्रशासन कार्यालय काठमाडौँ जाने भएका छन् ।

शुक्रबार सर्वोच्च  अदालतको संवैधानिक आदेशले रविको नागरिकता अवैध भएको ठहर गर्दै नागरिकता लिने प्रक्रिया पुरा गर्न आदेश दिएको थियो ।

सोही अनुसार लामिछाने आइतबार बिहान ११ बजे प्रशासन जाने र त्यसपछि आवश्यक प्रक्रिया पुरा गरिनेछ बताईएको छ।

लामिछानेले प्रशासन जानका लागि आवश्यक डकुमेन्ट तयार गरिसकेका छन् । जसअनुसार उनले अमेरिकी नागरिकता त्यागेको पुष्टि हुने निस्सासहितका फाइल तयार गरिरहेको बताइएको छ ।

लामिछानेले नागरिकता लिनका लागि गृह मन्त्रालयसँग समेत परामर्श गरेका थिए । गृहले नियमित प्रक्रियाबाट नागरिकता लिन सकिने बताएपछि उनी सोहीबमोजिम प्रशासन जान लागेका हुन् ।