बाबुद्वारा आगो लगाएर छोराको हत्या, श्रीमती गम्भीर घाइते

३१५ पटक पढिएको

बाँके जिल्लाको कोहलपुर नगरपालिकाका ३२ वर्षीय भानुभक्त बिकले आफ्नै दुई वर्षे छोराको हत्या गरेका छन् भने श्रीमती चाहीं बाँचेकी छिन् ।

कोहलपुर–१ शत्तिनगर बस्ने बिकले आफ्ना दुई वर्षे छोरा र पत्नी गंगा बिकको शरीरमा पेट्रोल छर्केर आगो लगाएपछि जलेका छोराको मृत्यु भएको छ भने श्रीमती गंगाको उपचार भइरहेको प्रहरीले जानकारी दिएको छ ।

प्रहरीका अनुसार आइतबार राति १ बजे उपचारको क्रममा छोराको मृत्यु भएको थियो । गंगाको घाँटी र ढाडमा गहिरो चोट लागेको छ । उनको नेपालगञ्ज स्थित भेरी अस्पतालमा उपचार भइरहेको छ ।

यस्तो कर्म गर्ने भानुभक्तलाई भने दिल्ली जाने बस चढेर भारततर्फ भाग्दै गरेको अवस्थामा राति नै प्रहरीले पक्राउ गरेको छ ।