सातौँ नवलपुर महोत्सव: आज गायक प्रकाश दुतराजको प्रस्तुती रहने

२५३ पटक पढिएको

कावासोती।  सातौँ नवलपुर महोत्सवको तेस्रो दिन आज चर्चित राष्ट्रिय लोक दोहोरी गायक प्रकाश दुतराजको प्रस्तुती रहने आयोजक नवलपुर उद्योग वाणिज्य संघले बताएको छ ।

दुतराज सहित गायिका अनु राना मगर, तेजु मगर र आयुसमा के.सी लगायतको उपस्थिति रहनेछ । प्रकाश दुतराजका बैनी झ्यालैमा, घर कताहो बैनीको, देउरालीमा पर्खी बसे, जस्ता थुप्रै चर्चित गित रहेका छन् ।
नवलपुर उद्योग वाणिज्य संघको आयोजनामा गत फागुन ३ गते देखि सुरु भएको महोत्सवमा हरेक दिन राष्ट्रिय तथा स्थानीय कलाकारहरुको प्रस्तुति रहेको छ ।

महोत्सवमा बाल उद्यान, कृषि प्रदर्शनी, बालमैत्री सामाग्री प्रदर्शनी, विज्ञान कला प्रदर्शनी, औद्योगिक उत्पादनहरूको प्रदर्शनी सँगै कृषि र पर्यटनको सिकाइ प्रदर्शनीहरू रहेको छ । महोत्सव कावासोती ८ स्थित टुबोर्ग खेल मैदानमा सञ्चालन भइरहेको छ ।