फेवातालमा डुंगा दुर्घटना : एक जनाको मृत्यु

१२८ पटक पढिएको

पोखराको फेवातालमा आइतबार डुंगा पल्टिदा घाइते पोखरा महानगरपालिका १ बगर बस्ने ७० वर्षीय यममाया गिरीको मृत्यु भएको छ।

डुंगामा सवार अन्य ५ जनालाई उद्धार गरिएको थियो। उनीहरुको अवस्था सामान्य रहेको छ। फेवातालको बीचमा रहेको तालवाराही मन्दिरको दक्षिणी भेगमा एक्कासी डुंगा पल्टिएपछि रेस्क्यु टोलीले उद्धार गरेको थियो। दिउँसो करिब सवा ४ बजेतिर आएको हावाहुरीले ६ जना सवार डुंगा पल्टिएको हो।

यो सिजनमा प्राय पोखरामा लगभग ३ बजेपछि हावाहुरी चल्छ। हावाहुरीको बेलामा फेवातालमा डुंगा सयर गर्नु जोखिम मानिन्छ।