सिन्धुलीमा बस दुर्घटना हुँदा ६ जनाको मृत्यु , २९ घाइते

४४८ पटक पढिएको

सिन्धुली । मध्यपहाडी लोकमार्गअन्तर्गत फिकल गाउँपालिका–४ कुइभिरडाँडामा आज बिहान बस दुर्घटना हुँदा ६ जनाको घटनास्थलमै मृत्यु भएको छ । मृत्यु हुनेमा तीन पुरुष, दुई महिला र एक बालिका रहेका छन्।

ओखलढुङ्गाबाट काठमाडौँ जाँदै गरेको बा२ख ६५९६ नम्बरको बस ‘ब्रेक’ फेल भएर दुर्घटना भएको जनाइएको छ ।

दुर्घटनामा २९ जना घाइते भएका र उनीहरुको खुर्कोटस्थित  अस्पतालमा उपचारका लागि पठाइएको जिल्ला प्रहरी कार्यालय सिन्धुलीका प्रमुख प्रहरी उपरीक्षक राजकुमार सिलवालले  जानकारी दिए ।