शेयर बजारमा २६.८० अंकको गिराबट

२१० पटक पढिएको

नेपाल स्टक एक्सचेञ्ज (नेप्से) मा साताको पहिलो दिन आज आइतबार २६.८० अंकले घटेर एक हजार ९ सय ७५ दशमलव ८९ विन्दुमा बन्द भएको छ ।

गत हप्ताको अन्तिम दिन बिहिबार नेप्से ५०.०४ अंकले बढेर दुई हजार २ दशमलब ७० विन्दुमा बन्द भएको थियो ।

आज नेप्सेमा एक अर्ब ६६ करोड ६९ लाख बराबरको कारोबार भएको छ ।

आज कारोबार भएका कम्पनीमध्ये २६ वटा कम्पनीको शेयरमूल्य बढेको छ भने १८६ कम्पनीको शेयरमूल्य घटेको छ  । ६ कम्पनीको शेयरमूल्य स्थिर रहेको छ ।