भिडियो सार्वजनिक भएसँगै प्रा. जयप्रकाश दत्त निलम्बनमा

१८७ पटक पढिएको

कृषि तथा वन विज्ञान विश्वविद्यालयले कृषि संकायका डिन  प्रा. जयप्रकाश दत्तलाई निलम्बन गरेको छ।

६३ जनाभन्दा बढी सहभागी जुम बैठकमा महिला कर्मचारीलाई अश्लील हरकत गरेको भिडियो सार्वजनिक भएसँगै उनलाई निलम्बन गरिएको कृषि तथा वन विज्ञान विश्वविद्यालयले जनाएको छ।

सामाजिक सञ्जालमा देखिएको विषयवस्तु सम्वेदनशील रहेकोले सत्यतथ्य छानबिनका लागि दत्तलाई निलम्बन गरिएको विश्वविद्यालयका उपकुलपति पुण्य रेग्मीले बताए।

छानविन समितिको प्रतिवेदन प्राप्त भई निर्णय नहुञ्जेलसम्मका दत्तलाई निलम्बन गरिएको छ। जुम बैठकमा उनले अडियो म्यूट गरेका थिए भने, भिडियो अन नै थियो। उनी कृषि संकायको ४ बर्षे दोस्रो कार्यकालका लागि २०७७ कात्तिकमा डिन नियुक्त भएका थिए।