बिपिडब्लु लघुवित्तको आईपीओ आज बाँडफाँट हुँदै

२८७ पटक पढिएको

काठमाडौं । बिपिडब्लु लघुवित्त वित्तीय संस्था लिमिटेडको आईपीओ आज शुक्रवार बाँडफाँट हुने भएको छ। विक्री प्रबन्धक मेगा क्यापिटल मार्केट्स लिमिटेडको कार्यालय त्रिपुरेश्वर, काठमाडौंमा विहान ११ बजे आईपीओ बाँडफाँट गर्न लागिएको हो ।

कम्पनीले सर्वसाधारणका लागि फागुन १८ गतेदेखि २३ गतेसम्म आईपीओ विक्री गरेको थियो । सर्वसाधारणमा ८० हजार ९५० कित्ता शेयर विक्री गरिएको हो । यस आधारमा ९ हजार ९५ जना भाग्यमानी आवेदकले १० कित्ताका दरले शेयर प्राप्त गर्नेछन् ।

कम्पनीले जारी पूँजी ३ करोड रुपैयाँको ३२ दशमलव ३३ प्रतिशतले हुन आउने प्रतिशेयर १०० रुपैयाँ अंकित मूल्यका ९७ लाख रुपैयाँ बराबरको ९७ हजार कित्ता शेयर सर्वसाधारणका लागि विक्री गर्न अनुमति पाएको थियो । कुल कित्ता शेयरमध्ये ९ हजार ७०० कित्ता शेयर वैदेशिक रोजगारीमा रहेका नेपालीमा बाँडफाँट गरेको कम्पनीले १ हजार ५०० कित्ता शेयर कर्मचारीहरू तथा ४ हजार ८५० कित्ता सामूहिक लगानी कोषका लागि छुट्याएर बाँकी ८० हजार ९५० कित्ता आईपीओ सार्वजनिक निष्कासनमार्फत विक्री गरेको हो ।

थप समाचार:

बिपिडब्लु लघुवित्तको आईपीओ खुला