देशभर आंशिकदेखि सामान्य बदली

काठमाडौं । हाल देशमा स्थानीय वायु सँगै पश्चिमी वायुको सामान्य प्रभाव रहेको छ।

सोमबार बिहान देशभर आंशिकदेखि सामान्य बदली रहेकाे छ । त्यस्तै, बागमती, गण्डकी, लुम्बिनी, कर्णाली र सुदूरपश्चिम प्रदेशका केही स्थानहरूमा मेघगर्जन र चट्याङसहित वर्षा भइरहेको माैसम पूर्वानुमान महाशाखाले जनाएकाे छ ।

सोमबार दिउँसो भने देशभर सामान्यदेखि पूर्ण बदली रहने छ। त्यस्तै, बागमती, गण्डकी, कर्णाली र सुदूरपश्चिम र बाँकी भू-भागका केही स्थानहरूमा मेघगर्जन र चट्याङ्गसहित क्षणिक-हल्कादेखि मध्यम वर्षाको सम्भावना रहेको छ।

सोमबार राति भने देशभर आंशिकदेखि सामान्य बदली रहने छ। त्यस्तै, देशको पहाडी र तराईका भू-भागका केही स्थानहरुमा मेघगर्जन र चट्याङ्गसहित क्षणिक-हल्कादेखि मध्यम वर्षाको सम्भावना भएकाे महाशाखाले जनाएकाे छ ।