शेयर बजार १२.४१ अंकले बढ्यो

२०६ पटक पढिएको

काठमाडौं ।  नेपाल स्टक एक्सचेञ्ज (नेप्से) मा साताको तेस्रो कारोबारको आज आज मंगलबार  १२.४१ अंकले बढेर एक हजार ९ सय १८.४१ विन्दुमा पुगेको छ ।

त्यस्तै, आज एक अर्ब ४४ करोड ३७ लाख रुपैयाँ बराबरको कारोबार भएको छ । आज कारोबार भएका १४२ कम्पनीको शेयरमूल्य बढेको छ भने ६७ कम्पनीको शेयरमूल्य घटेको छ । यसका साथै ७ कम्पनीको शेयरमूल्य स्थिर रहेको छ ।

नेप्सेका अनुसार तीन कम्पनीको शेयरमूल्यमा उच्च वृद्धि भएको छ । आज सुपरमाइ हाइड्रोपावर कम्पनीको शेयरमूल्य १० प्रतिशतले बढेर प्रतिकित्ता ४७३.१० रुपैयाँ पुगेको छ ।

यसका साथै एशियन हाइड्रोपावरको शेयरमूल्य ९.९९ प्रतिशतले बढेर प्रतिकित्ता ४३७.२० रुपैयाँ पुगेको छ भने सिर्जनशिल लघुवित्त वित्तीय संस्थाको शेयरमूल्य ९.९९ प्रतिशतले बढेर प्रतिकित्ता १३१३.३० रुपैयाँ पुगेको छ ।

नेप्सेका अनुसार तेह्रथुम पावर कम्पनीका लगानीकर्ताहरुले सर्वाधिक गुमाएका छन् ।