चितवन-२ मा रवि लामिछानेद्वारा उम्मेदवारी दर्ता

१३२ पटक पढिएको

काठमाडौँ । चितवन निर्वाचन क्षेत्र नं. २ मा राष्ट्रिय स्वतन्त्र पार्टी (रास्वपा) का सभापति रवि लामिछानेले उम्मेदवारी दर्ता गराएका छन् । मुख्य निर्वाचन अधिकृतको कार्यालय पुगेर सभापति लामिछानेले आफ्नो उम्मेदवारी दर्ता गराएका हुन् ।

आगामी वैशाख १० मा हुने प्रतिनिधिसभा सदस्यको उपनिर्वाचनका लागि आज चैत २० गते सोमबार उम्मेदवारको मनोनयनपत्र दर्ता भएको हो । मुख्य निर्वाचन अधिकृतको कार्यालयका अनुसार दिनको १ बजेदेखि ४ बजेसम्म ठूला दलहरुलाई उम्मेदवारी दर्ताका लागि समय दिइएको छ ।

उक्त क्षेत्रको उपनिर्वाचनमा रास्वपाका सभापति लामिछाने, कांग्रेस चितवनका निवर्तमान सभापति जीतनारायण श्रेष्ठ, एमालेका जिल्ला अध्यक्ष रामप्रसाद न्यौपाने र राप्रपाका जिवलाल पुरीले उम्मेदवारी दिने भएका हुन् ।