सिक्किम भ्रमण गएका चितवनका २ जनाको हिमपहिरोमा परेर मृत्यु

२१० पटक पढिएको

चितवन । पुर्वी चितवनको कालिका नगरपालिका-६ खोलेसिमल स्थित मनकामना दुग्ध उत्पादक सहकारी सस्थाबाट भारतको सिक्किम भ्रमण गएका मध्ये २ जनाको हिमपहिरोमा परेर मृत्यु भएको छ । नेपाली समय अनुसार हिजोदिउसो मंगलबार करिब १२ बजे सिक्किमको छिन्चु लेकमा पहिरोमा परि मृत्यु भएको सिक्किम प्रहरीले पुष्टी गरेको छ ।

मृत्यु हुनेमा सोही सहकारीका सदस्य शिवप्रसाद लामिछाने र आशिका ढकाल रहेका छन । उनिहरु दुबै कालिका-६ खोलेसिमलका हुन । लामिछाने सो सस्थाका कार्य समिती सदस्य समेत थिए । सो हिमपहिरोमा परि सो सस्थाका करिब १ दर्जन सदस्य घाइते भएका छन भने ३ जनाको गम्भीर अबस्थामा उपचार भई रहेको प्रहरीले बताएको छ ।

सिक्किम स्थित अस्पतालमा उपचाररत हुनेहरूमा सो सहकारीका रमेश खनाल, ज्योति गुरुङ र गीता सापकोटा रहेका छन । पहिरोले सहकारीका २ जना सहित ७ जनाको मृत्यु भएको र घाइते १३ जना मध्ये ६ जना अस्पताल मै उपचाररत रहेको डिस्टिक्ट कलेक्टर, सिक्किमले बिज्ञप्तीमा जनाएको छ ।

चितवनका शिवप्रसाद लामिछाने र आशिका ढकाल तथा रुपन्देहीकी मुना शाह श्रेष्ठ सहित ७  जनाको मृत्यु भएको गान्तोकका अधिकारीहरुले जनाएका छन् । अन्य मृतकहरु भारतको उत्तरप्रदेश, पश्चिम बंगाल र कोलकाताका छन् ।