छ्याङदी हाइड्रोपावरले सत प्रतिशत हकप्रद शेयर निष्काशन गर्ने

३०० पटक पढिएको

काठमाडौं । छ्याङदी हाइड्रोपावर लिमिटेडले हकप्रद शेयर निष्काशन गर्ने भएको छ । कम्पनीले हाल कायम चुक्तापुँजीको शतप्रतिशत हकप्रद शेयर निष्काशन गर्न लागेको हो ।

कम्पनीले यस भन्दा अगाडि फागुन १२ गते बसेको संचालक समितिको बैठकले हाल कायम चुक्तापुँजीको १५० प्रतिशत हकप्रद शेयर जारी गर्ने निर्णय गरेकोमा नियामक निकायको निर्देशन अनुसार १०० प्रतिशत हकप्रद जारी गर्ने निर्णय गरेको हो । कम्पनीको चैत २१ गते बसेको सञ्चालक समितीको बैठकले सत प्रतिशत हकप्रद शेयर निष्काशन गर्ने निर्णय गरेको हो ।

विद्युत् नियमन आयोगको स्वीकृति र आगामी साधारण सभाबाट पारित भएपछि कम्पनीले नेपाल धितोपत्र बोर्डमा निवेदन दिएर स्वीकृति पाएपछि मात्रै हकप्रद निष्काशन गर्नेछ ।