रामेछापमा गाडी दुर्घटना ५ जनाको मृत्यु, ९ घाइते

१६३ पटक पढिएको

रामेछापमा बलेरो दुर्घटना हुँदा पाँच जनाको मृत्यु भएको छ। आज साँझ ५ बजे मन्थली नगरपालिका-७ कौछिनीमा बा ११ च ५५३ नम्बरको हाइलक्स गाडी दुर्घटना हुँदा पाँच जनाको मृत्यु भएको जिल्ला प्रहरी कार्यालयका डिएसपी होम पराजुलीले जानकारी दिए।

दुर्घटना हुँदा ९ जना घाइतेको उद्धार गरी अस्पतालमा पठाएको र उपचारको क्रममा एक जनाको मृत्यु भयो।

दुर्घटनामा परेको गाडी सडकबाट अन्दाजी १५० मिटर तल खसेको हो।  मृत्यु हुनेमा मन्थली नपा-७ की ८२ वर्षीया नन्दमाया भण्डारी, ५५ वर्षकी ज्ञानदानी तामाङ, ६८ वर्षका जेनसुन तामाङ र सुनापति गाउँपालिका–१ गुन्सीकी आठ वर्षीया लाक्पा घिसिङ छन्।

कौछिनीका ५० वर्षीय चालक दलबहादुर आलेमगरको उपचारको क्रममा मृत्यु भएको हो। उनको मन्थली अस्पतालमा मृत्यु भएको डिएसपी पराजुलीले बताए।

अन्य घाइतेको मन्थली अस्पताल र रामेछाप सामुदायिक अस्पतालमा उपचार भइरहेको छ।