भारतबाट फर्किने अधिकांशमा कोरोना संक्रमण पुष्टि

२११ पटक पढिएको

भारतसँग सीमा जोडिएको सुदूरपश्चिम प्रदेशमा कोरोना संक्रमणदर एक्कासी बढेको छ। केही महिना संक्रमण शुन्य रहेको भए पनि चैतमा भने संक्रमणदर ह्वात्तै बढेको हो।

यस प्रदेशमा चैतमा मात्रै २८८ जनामा संक्रमण पुष्टि भएको छ।  यहाँ हाल दिनहुँ कोरोना संक्रमितको संख्या पनि बढ्दै गएको छ।

संक्रमण देखिने सबैजसो भारतबाट फर्किएका रहेका सुदूरपश्चिम प्रदेश स्वास्थ्य निर्देशनालय कोभिड–१९ सम्पर्क व्यक्ति हेमराज जोशीले जानकारी दिए।

भारतका विभिन्न शहरमा कोरोना संक्रमण देखिएकोले त्यसको प्रभाव यहाँ पनि पर्न थालेको हो। भारतका विभिन्न शहरमा कोरोना फैलिएकोले  त्यसको असर यहाँ पनि परेको जोशीले बताए।