तीनवटै निर्वाचन क्षेत्रको मतदान शान्तिपूर्ण रुपमा सम्पन्न

१५२ पटक पढिएको

काठमाडौँ । उपनिर्वाचन २०८० अन्तर्गत चितवन–२, बारा–२ र तनहुँ १ को मतदान सामान्यतया शान्तिपुर्ण रुपले सम्पन्न भएको छ । तीनवटै निर्वाचन क्षेत्रमा बिहान ७ बजेदेखि सुरु भएको मतदान साँझ ५ बजेसम्म सम्पन्न भएको हो ।

मतदानको क्रममा केहि सामान्य विवाद भएपनि समग्रमा शान्तिपूर्ण रुपमा मतदान सम्पन्न भएको निर्वाचन आयोगले बताएको छ ।

आयोगका प्रमुख निर्वाचन आयुक्त दिनेश थपलियाका अनुसार यकिन तथ्यांक प्राप्त भैनसकेपनि चितवन र बारामा ६० प्रतिशतको हाराहारीमा मतदान भएको छ भने तनहुँमा ५५ प्रतिशतको हाराहारीमा मतदान भएको छ ।

मतदान सम्पन्न भए संगै सबै निर्वाचन क्षेत्रमा सर्वदलिय सहमतिमा मतगणना सुरु हुने बताइएको छ ।