भ्रष्टाचार गरेपनि कम गरौँ: डा.शशांक कोइराला

२२७ पटक पढिएको

काठमाडौँ । नेपाली कांग्रेसका सांसद डा.शशांक कोइरालाले भ्रष्टाचार गरेपनि कम गर्न आग्रह गरेका छन् । बुधबार प्रतिनिधि सभाको बैठकमा विनियोजन विधेयक २०८० को सिद्धान्त र प्राथमिकतामाथि आफ्नो धारणा राख्दै सांसद कोइरालाले सो कुरा बताएका हुन् ।

उनले भने,‘विश्वेश्वरप्रसाद कोइराला जो प्रधानमन्त्री हुनुहुन्थ्यो । उहाँको एकजना भाइले नयाँ जुत्ता लगाउनुभयो ३ सय रुपैयाँ पर्ने । अनि वीपीले सोध्नुभयो, कहाँबाट तिमीले यो पैसा पायौं ? त्यही दिन उहाँले बर्खास्त गरिदिनुभयो । हेर्नुस् त्यस्तो सहनशीलता हुनुपर्छ, त्यो संवेदना हुनुपर्छ ।’

उनले अगाडि भने,‘भ्रष्टाचार भनेको त हामीले नै गर्छौं । अरुलाई दोष किन दिने ? हामीले भ्रष्टाचार कम गरौँ, निर्मूल गर्न सकिँदैन । हेर्नुस् भ्रष्टाचारी भनेको यो एउटा रोग नै हो । अब यसलाई निर्मूल गर्न त सायद प्रयास गर्‍यो भने त निर्मूलपनि हुन्छ, कतिपय मुलुकहरूमा त्यो भएकोपनि छ । हामीले प्रयत्न नै नगरे त कसरी हुन्छ ?’