नवलपुरबाट चैत्र महिनामा ९३० ले लिए नयाँ नागरिकता

३२५ पटक पढिएको

गैँडाकोट: जिल्ला प्रशासन कार्यालय नवलपुरबाट चैत्र महिनामा ९३० जनाले नयाँ नागरिकता लिएका छन्।

चैत्र महिनामा मात्रै ५३३ महिला र ३९७ पुरूष सहित जम्मा ९३० जनाले नयाँ नागरिकता लिएको प्रशासकीय अधिकृत आनन्द शर्मा भुषालले नवलपुर अनलाइनलाई बताउनुभयो।

चैत्र महिनामा नागरिकताको प्रतिलिपि लिनेको संख्या ७४७ रहेको छ। जसमध्ये ४११ पुरूष र ३३६ महिला छन्।

त्यस्तै नावालक परिचयपत्र बनाउनेको संख्या ४५ रहेको छ। जसमा २६ महिला र १९ पुरूष रहेका छन्।

गत फागुन महिनामा नयाँ नागरिकता लिनेको संख्या ७७८ रहेको छ भने प्रतिलिपि लिनेको संख्या ६७५ रहेको भुषालले बताउनुभयो।

 

सम्बन्धित समाचार:

नवलपुरबाट फागुन महिनामा ७७८ ले लिए नयाँ नागरिकता