चितवन महोत्सवमा आज मात्रै ५० हजार बढिले गरे अवलोकन

१४ औँ चितवन महोत्सवमा आज मात्रै ५० हजार बढि दर्शकहरूले मेला अवलोकन गरेका छन्।

आज मात्रै ५० हजारभन्दा बढि दर्शकहरूले मेला अवलोकन गरेको महोत्सव व्यवस्थापन अधिकृत निलबहादुर केसीले नवलपुर अनलाइनलाई बताउनुभयो।

उद्योग वाणिज्य संघ चितवनको आयोजनामा पौष २५ देखि सुरू भएको चितवन महोत्सव माघ ४ गतेसम्म चल्नेछ। आज महोत्सवको आठौँ दिन हो। हिजो माघे सक्रांन्तिको दिनमा पनि आजजस्तै भिड रहेको केसीले  बताउनुभयो।

सबै स्टल तथा मनोरञ्जन स्थलहरूमा दर्शकहरूको बाक्लो उपस्थिति रहेको थियो। अन्य दिन जस्तै आजपनि बिभिन्न कलाकार तथा सांस्कृतिक कार्यक्रम मार्फत दर्शकहरूलाई भरपुर मनोरञ्जन प्रदान गरिएको उहाँले जानकारी गराउनुभयो। भोलि माघ ३ गते प्रमुख अतिथिको रूपमा नायिक आँचल शर्मा रहने र बिभिन्न सांस्कृतिक कार्यक्रमहरू रहेका छन्।

सम्बन्धित समाचार:

चितवन महोत्सवमा टिकट काट्न लाईन बस्नु नपर्ने

चितवन महोत्सव आजदेखि सुरु हुँदै, अर्थमन्त्री विष्णु पौडेलले उद्घाटन गर्ने

चितवन महोत्सव पुस २५ देखि सुरू

चितवनमा एकै समयमा तीन वटा महोत्सव हुँदै